Last modified on 5 जून 2020, at 17:33

बोल जोगीरा.... अक्कड़-बक्कड़ / गुलरेज़ शहज़ाद

रात जरवनीं
दिन झुलसवनीं
गोड़े-गोड़े रस्ता नपनीं
अरमानन के फुंकनीं-तपनीं
तब जा के कुछ
हुनर भेंटाइल
नाता के पूँजी बटोराइल
कउड़ी-कउड़ी खरच के
खुद के
जिनगी में जे हासिल भइल
उहो सब हम अरपित कइनीं
एह दुनिया के
जे कुछ लगे बाँचल बाटे
नइखे कुछहू नरम -मोलाएम
जे कुछ लगे बाँचल बाटे
उ बाटे बस लोहा-लक्कड़
बोल जोगीरा....
अक्कड़-बक्कड़