भारत की संस्कृति के लिए... भाषा की उन्नति के लिए... साहित्य के प्रसार के लिए
भजन 2 / विजेन्द्र सिंह 'फौजी'
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 13:54, 28 मई 2020 का अवतरण ('{{KKGlobal}} {{KKRachna |रचनाकार=विजेन्द्र सिंह 'फौजी' |अनुवादक= |सं...' के साथ नया पृष्ठ बनाया)
टेक-आज्या नै ले जन्म दोबारा याद करै हरियाणा
हरियाणे की जनता रागनी सुणना चाहवै थारी
ऊंचे सुर म्हं गाया करता डोली थी घणी प्यारी
आज करै हरियाणा, याद करै हरियाणा
लोगां के दिल पै राज करा लागै था सबने प्यारा
राजस्थान, यु0पी0 म्हं भी डंका बाजै था थारा
पर बाध करै हरियाणा, याद करै हरियाणा
वै दिन आज्याँ हटकै नै फेर सबके हो मन की चाही
हो कठ्ठी भीड़ हजारां म्हं जावैं रागनी गाई
फरियाद करै हरियाणा, याद करै हरियाणा
खाली जगहाँ इसी करगे गुरु जी ना भरणे म्हं आवै
विजेन्द्र फौजी डोहकी आला चरणा म्हं शीश झुकावै
नाज करै हरियाणा, याद करै हरियाणा
तर्ज-मेरे नैना सावन भादों फिर भी मेरा मन प्यासा
