भारत की संस्कृति के लिए... भाषा की उन्नति के लिए... साहित्य के प्रसार के लिए
भन्न पनि पाइँदैन / मनु ब्राजाकी
Kavita Kosh से
बिर्सिएछु भन्न पनि पाइँदैन ।
यस्तो जाबो माया अब लाइँदैन ।
भोकसित साटिएको जुठोपुरा,
अबदेखि मीठो मानी खाइँदैन ।
बिदाइमा रमाउन थालेको छु,
भेट हुँदा स्वागतगान गाइँदैन।
यौटा कुरा भनुँभन्दा जीवन बित्यो,
त्यही बित्या जीवन फेरि चाहिँदैन।
एकचोटि जन्मेपछि पुगिहाल्यो,
बाराम्बार मर्न अब आइँदैन
