भारत की संस्कृति के लिए... भाषा की उन्नति के लिए... साहित्य के प्रसार के लिए
मनोॅ के बात / अनिल कुमार झा
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 19:25, 22 जनवरी 2021 का अवतरण ('{{KKGlobal}} {{KKRachna |रचनाकार=अनिल कुमार झा |अनुवादक= |संग्रह=ऋत...' के साथ नया पृष्ठ बनाया)
सोना पर चाँदी रो पानी चढ़ैने
ऐली सिहरली अगहन के रात,
दिन भर कटनी करी के थकै तेॅ
बोलै न पारै छै मनोॅ के बात।
गाँवों सिमाना पर बरद बुढ़वा
रास्ता ताकै छै टुकुर टुकुर,
सिकुड़लोॅ बगुला सोचै छै कन्ने
बगुलियाँ ताकै मुकुर मुकुर,
रात भी अन्हारोॅ से डरली रहै छै
जानै छै बूझै न जात आरू पात,
सोना पर चाँदी रो पानी चढ़ैने
ऐली सिहरली अगहन के रात।
जी जरैनें राखै छै ठंडा
मनोॅ पर मोन-मोन पैनोॅ डंडा
देहे में पेट छै मोॅन छै प्रेम,
ऐकरा जराय के सब हथकंडा
बाते बातोॅ में डांटी-डपटी
मारै गिरावै लातें लात,
सोना पर चाँदी रो पानी चढ़ैने
ऐली सिहरली अगहन के रात।