भारत की संस्कृति के लिए... भाषा की उन्नति के लिए... साहित्य के प्रसार के लिए
माटी रो ढगळ / इरशाद अज़ीज़
Kavita Kosh से
आशिष पुरोहित (चर्चा | योगदान) द्वारा परिवर्तित 17:37, 15 जून 2020 का अवतरण ('{{KKGlobal}} {{KKRachna |रचनाकार= इरशाद अज़ीज़ |अनुवादक= |संग्रह= मन...' के साथ नया पृष्ठ बनाया)
कांई है थारो
जिको करै इत्तो गुमेज
अेक माटी रो ढगळ थूं
अेक ठोकर में
खिंड‘र रळ जासी
माटी मांय
नीं रैवै थारो आपो।
थारी आतमा पर लाग्योड़ो खांपो
नीं सीं सकैला थूं
अर सांस रै सागै
उधड़ रैयो है
थारै मिनखपणै रो खोळियो
फेरूं भी इत्तो गुमेज?
