Last modified on 28 जुलाई 2017, at 16:47

माथि को हुनुहुन्छ ? / मीनबहादुर विष्ट

Sirjanbindu (चर्चा | योगदान) द्वारा परिवर्तित 16:47, 28 जुलाई 2017 का अवतरण ('{{KKGlobal}} {{KKRachna |रचनाकार=मीनबहादुर विष्ट |अनुवादक= |संग्रह...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

बाहिर छाडा साँडेहरू जुधिरहेछन् संसारकै जग हल्लाइदिने गरी
बाहिर काला कागहरू उडिरहेछन् संसारलाई नै अँध्यारो बनाउने गरी
यता आगोका लप्काहरू उठिरहेछन् संसारलाई नै डढाइदिने गरी
तल कलिला बालक र फूका बोटहरू काँपिरहेछन् संसारमै कोही नभए झैं गरी
माथि को हुनुहुन्छ?

माथि कोही हुनुहुन्छ भने ढोका खोलेर एक पटक
हेर्नोस त तल,
भित्र को हुनुहुन्छ?
भित्र कोही हुनुहुन्छ भने ढोका खोलेर एकपटक
हेर्नोस्त बाहिर,
तल को हुनुहुन्छ?
तल कोही हुनुहुन्छ भने शिर उठाएर एक पटक
हेर्नोस्त माथि,
कोही कतै हुनुहुन्छ भने आँखाका ढोकाहरू उघारेर एक पटक
हेर्नोस यता ।
  
हेर्नोस् जो जहाँ जहाँ हुनुहुन्छ त्यहाँ त्यहाँबाट हेर्नोस्
हेर्नोस् माथि कोही हुनुहुन्छ भने हेर्नोस्
हेर्नोस् यो गाउँमा कोही हुनुहुन्छ भने हेर्नोस्
हेर्नोस् यो देशमा केही हुनुहुन्छ भने हेर्नोस् ।
 
हेर्नोस् यो संसारमा कोही हुनुहुन्छ भने हेर्नोस्
बाहिर छाडा साँढेहरू जुधिरहेछन्
माथि काला कागहरू उडिरहेछन्
यता आगोका लप्काहरू उठिरहेछन्
तल कलिला बालक र फूलका बोटहरू कापिरहेछन् ।