भारत की संस्कृति के लिए... भाषा की उन्नति के लिए... साहित्य के प्रसार के लिए
मान्छेको स्वर / दुर्गा दाहाल
Kavita Kosh से
Sirjanbindu (चर्चा | योगदान) द्वारा परिवर्तित 15:53, 8 मई 2017 का अवतरण ('{{KKGlobal}} {{KKRachna |रचनाकार=दुर्गा दाहाल |अनुवादक= |संग्रह= }} {{...' के साथ नया पृष्ठ बनाया)
स्वर त ढुङ्गाको पनि हुन्छ
कोइलीजस्तै
लोभलाग्दो
मलाई मान्छेको स्वर नै किन मीठो लाग्छ ?
मुर्दाघारीमा एक दिन पाषाणमाथि
मैले आँखाहरूमा सलाम गरेँ
कसले बसालेछ बस्ती पनि मुटु छेड्ने
पाषाणभित्र अप्सरा देखेँ
स्वर त ढुङ्गाको पनि हुन्छ
कोइलीजस्तै
लोभलाग्दो
मलाई मान्छेको स्वर नै किन मीठो लाग्छ ?
आफूलाई गुफामा खाँदेर छोड एक पटक
तिमी के छौ ?
चुपचाप… शून्य ।
छोएर जाने स्पर्शलाई सोध ।
तिमी कति अग्ला छौ ?
स्वर कस्तो छ ?
स्वर त ढुङ्गाको पनि हुन्छ
कोइलीजस्तै
लोभलाग्दो
मलाई मान्छेको स्वर नै किन मीठो लाग्छ ?
