Last modified on 30 जुलाई 2016, at 03:43

मेरो बेहोशी आज / ईश्वरवल्लभ

Sirjanbindu (चर्चा | योगदान) द्वारा परिवर्तित 03:43, 30 जुलाई 2016 का अवतरण

मेरो बेहोशी आज मेरो लागि पर्दा भो'
छोपिए पीर सबै, दुःख सबै पर्दा भो'

यो नशा जिन्दगीको या हो नशा रक्सीको
के हो यो, पीरति हो नयाँ नयाँ प्रेयसी हो
जे थिए स्वप्न सबै ती पग्लिएर पानी भो'
के बिहान साँझ सबै जिन्दगी नै पर्दा भो'

मेरो यो मात यहाँ के हो तिमी भनिदेऊ
मेरो यो आश यहाँ के हो तिमी भनिदेऊ
जे थिए यात्राहरू ती अल्झिएर बाधा भो'
हराए गीत सबै हार सबै पर्दा भो'