भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

मौसम रोकिँदा गुलाब हाँस्दैन / राधेश्याम लेकाली

Kavita Kosh से
Sirjanbindu (चर्चा | योगदान) द्वारा परिवर्तित 14:47, 24 मई 2017 का अवतरण ('{{KKGlobal}} {{KKRachna |रचनाकार= राधेश्याम लेकाली |अनुवादक= |संग्...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

बस्तीभन्दा पर कतै
षड्यन्त्र र जालझेलमा
मौसम रोकिएको छ
र वर बस्तीमा
न सृष्टि ।
न प्रेम ।।
न शान्ति ।।।
 
यसैले, बोधिसत्वमा हिंसा रोपेर
गुलाब हाँस्दैन
परदेशको खोलमा
आकाशमा बाज उडाएर
निर्भय अस्तित्व रहँदैन
मान्छे, मात्र मान्छे हो
जीवनभन्दा परको रङ्गमा रङ्गिँदा
मान्छेलाई आफ्नै अनुहार सुहाउँदैन
मान्छेले मान्छेलाई नै नचिन्ने बस्तीमा
न सृष्टिको अर्थ।
न प्रेमको अर्थ।।
न शान्तिको अर्थ।।।

फेरि आँखामा आत्मीय पीडाको आँसु
र ओठमा मुस्कान पनि
एकसाथ सुहाएजस्तो लाग्दैन
क्षमा र प्रार्थनाको आडमा
कुटिलताको रङ्ग
प्रकृतिको एक झर बर्सातमै
अस्तित्वमा रहन्न
बरु, निर्धक्क वर्तमानलाई
प्रकृतिको मौलिक रङ्गमा रङ्गिन देऊ
विद्रोहको सचेतन सुन्दरतामा
अलिकति सम्झौताको सुगन्ध भरिदेऊ

हो, बस्तीभन्दा पर कतै
षड्यन्त्र र जालझेलमा
मौसम रोकिएकोछ
र वर बस्तीमा
न सृष्टि ।
न प्रेम ।।
न शान्ति ।।।