यसै गरी बिताइदिन्छु, दुई दिनको जिन्दगी
हाँसोमा लुटाइदिन्छू, आफू आँसुमा डुबी
भीड छ म भीडमा आफूलाई बिलाइदिन्छु
बिर्सिदिन्छु आफूलाई, होश म हराइदिन्छु
कि त लुकी यतै कतै, रोइदिन्छु सुस्तरी
हाँसोमा लुटाइदिन्छु, आफू आँसुमा डुबी
च्यातिदिन्छु आफूलाई, बालिदिन्छु साँझमा
फालिदिन्छु आफूलाई, दिनहरूको माझमा
गाइदिन्छु गीत आफ्नो, आफैँलाई नै पिई
हाँसोमा लुटाइदिन्छु, आफू आँसुमा डुबी