भारत की संस्कृति के लिए... भाषा की उन्नति के लिए... साहित्य के प्रसार के लिए

यात्रा-बाटोको / सुमन पोखरेल

Kavita Kosh से
यहाँ जाएँ: भ्रमण, खोज

बिहानैदेखि यो बाटो
जाँदैछ कता
आवारा भएर ।

घरहरूलाई छोड्दै छोड्दै
अगाडि अगाडि
पछाडि पछाडि
मात्तिदै लरखराउँदै।

परसम्म
यो बाटो कतै छिरेन घरहरूमा ।

बाटै बाटो
पेटीहरूलाई छुँदै
अग्लिँदै भासिँदै
ओरालो उकालो
जादैछ गन्तव्यविहीन ।

कुनै पाटीमा बिसाँउदैन
कुनै फलैँचामा रोकिँदैन
कुनै बस्तीमा अडिदैन
कुनै शहरमा थुप्रिँदैन ।

भिरालो
तेर्सो
नागी-नागी
एक्लै एक्लै
हिँडिरहेछ ।

हेर, बाटो
कतै बिसाउँदैन ।