Last modified on 27 नवम्बर 2015, at 03:44

रंग में रँग दई / ब्रजभाषा

   ♦   रचनाकार: घासीराम

रंग में रँग दई बाँह पकरि लई, लाजन मर गई होरी में,
इकली भाज दई होरी में, हुरमत लाज गई होरी में॥ रंग.
चूँदर रंग बोरी होरी में, पिचकारी मारी होरी में,
ह्वैके स्याम निसंक अंक भुज भरि लई होरी में। रंग में.
गाल गुलाल मल्यौ होरी में, मोतिन लर तोरी होरी में,
लोक लाज खूँटी पे कान्हा धर दई होरी में। रंग में.
बरजोरी कीन्ही होरी में, ऐसी बुरी भई होरी में,
‘घासीराम’ पीर सब तन की हर लई होरी में। रंग में.