रउरा से जोड़नी नेह से कइसे भुलाईं हम / विन्ध्याचल प्रसाद श्रीवास्तव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

विन्ध्याचल प्रसाद श्रीवास्तव »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

रउरा से जोड़नी नेह से कइसे भुलाईं हम,
अपना के कठकरेज अब कइसे बनाईं हम।
रउरे जरउती जोत एह निहछल पिरीत के,
एकरा के अपने हाथ से कइसे बुताईं हम।
रउरे दरद जगउनी हिया में लगाव के,
ओकरा के बन के बेदरद कइसे भुलाईं हम।
अँखिया फिरउनी तब तनिक लागल दरेग ना,
अँखिया भइल ई लोर अब कइसे छिपाईं हम।
रउरे उतार देनी सब जिनगी के चढ़ल तार,
एकरा प कौनो राग अब कइसे बजाईं हम।
लहकत बा एगो आग जे रह-रह करेज में,
कतना हिया जुड़ात बा कइसे बताईं हम।