भारत की संस्कृति के लिए... भाषा की उन्नति के लिए... साहित्य के प्रसार के लिए
राजनीति ने जन जीवन के / सियाराम प्रहरी
Kavita Kosh से
Lalit Kumar (चर्चा | योगदान) द्वारा परिवर्तित 15:12, 9 मई 2016 का अवतरण ('{{KKGlobal}} {{KKRachna |रचनाकार=सियाराम प्रहरी |अनुवादक= |संग्रह=...' के साथ नया पृष्ठ बनाया)
राजनीति ने जन जीवन के
सिर्फ जहर देनें छै
नैतिकता के पेन्ह मुखौटा
की की नै कैने छै
ज्ञानी-ध्यानी तपसी योगी
सभ्भे छै भीतर से रोगी
सत्-कर्मों के ज्ञान उवाचै
दुष्कर्मों के छै सहयोगी
छल परपंचों के आसन से
अपनो के वॉन्हि लेनें छै
रावणा राज भवन के स्वामी
बनवासी छै अन्तर्यामी
सद्विवेक सद्ज्ञानन मौन छै
प्रमुदित छै सब लोभी कामी
सदाचार ने कदाचार के
दामन थामि लेनें छै
असुर शक्ति के जोगि रहल छै
तरह तरह सुख भोगि रहल छै
दीन हीन के लूटै वाला
सगरो नेता लोग रहल छै
सुविधाभोगी है नेता ने
सबके बाँटि देनें छै।
