भारत की संस्कृति के लिए... भाषा की उन्नति के लिए... साहित्य के प्रसार के लिए

रूँदारूँदैको हाँसो / रमेश क्षितिज

Kavita Kosh से
यहाँ जाएँ: भ्रमण, खोज


रात बिती दिन भयो दिन बिती रात भो
रुँदारुँदै तिमी हाँस्यौ सँगै दिन रात भो

घाम हेरी थाकेपछि जिस्किएर झरी हेर्न
बहकिन्छु मनसँगै कैलेकाहीँ दृश्य फेर्न
घामजस्तो मुहारमा त्यहीँ सँगै बर्सात भो
रुँदारुँदै तिमी हाँस्यौ सँगै दिनरात भो

रीस हैन मायाले नै यस्तो गरूँगरूँ भन्छ
रुवाउँछु आफैँ तर पुछ्ने मेरै हात हुन्छ
पूर्णिमाझैँ मुहारमा औँसीजस्तो रात भो
रुँदारुँदै तिमी हाँस्यौ सँगै दिन रात भो