Last modified on 25 जून 2018, at 17:30

रेवो अजुणी रात / मानसिंह राठौड़

आशिष पुरोहित (चर्चा | योगदान) द्वारा परिवर्तित 17:30, 25 जून 2018 का अवतरण ('{{KKGlobal}} {{KKRachna |रचनाकार=मानसिंह राठौड़ |अनुवादक= |संग्रह= }...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

सुणो कोडिला सायबा,म्हारी स्याणी बात ।
अर्ज करै है कामणी,रेवो अजुणी रात ।।

थाळ भरुं निज भाव रा,ऊपर नैण बिछात ।
अंतस करूँह आरती,रेवो अजुणी रात ।।

जीमण आप'ज कारणै,भला बणाऊं भात ।
जी भर भेळा जीमसां,रेवो अजुणी रात ।।

कायर मन कांपे घणो,डरकण म्हारी जात ।
सुख दुःख रा थे सारथी,रेवो अजुणी रात ।।

रैण नैण संग जावसी,पौ फाटे परभात ।
वखत 'मान' नह वीसरुं,रेवो अजुणी रात ।।