भारत की संस्कृति के लिए... भाषा की उन्नति के लिए... साहित्य के प्रसार के लिए
लाज लागै / त्रिलोकीनाथ दिवाकर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:01, 18 नवम्बर 2021 का अवतरण ('{{KKGlobal}} {{KKRachna |रचनाकार=त्रिलोकीनाथ दिवाकर |अनुवादक=गंग...' के साथ नया पृष्ठ बनाया)
भोर होलै उठो नींद तोड़ो पिया
लाज लागै अबें हाथ छोड़ो पिया
शोर चिड़िया करै, देखि कौवा जरै
फूल आपन्है तुवै, मोन हमरो डरै,
बात हमरो सुनोॅ गोड़ मोड़ो पिया
लाज लागै अबें हाथ छोड़ो पिया।
बाल उलझै कनां कुछ पता नै चलै
कान बाली फसै नाक नथिया खलै
प्राण हमरो अबे, प्राण तोरो पिया
लाज लागै अबें हाथ छोड़ो पिया।
छोडि ऐलाँ सब्भे नैहरा के सखी
माय बाबू बहिन याद सबके रखी
मीत हमरो बनी प्रीत जोड़ो पिया
लाज लागै अबें हाथ छोड़ो पिया।
