भारत की संस्कृति के लिए... भाषा की उन्नति के लिए... साहित्य के प्रसार के लिए
लाली लठ्ठ लोलियो / वसन्त चौधरी
Kavita Kosh से
Sirjanbindu (चर्चा | योगदान) द्वारा परिवर्तित 14:36, 12 नवम्बर 2018 का अवतरण ('{{KKGlobal}} {{KKRachna |रचनाकार=वसन्त चौधरी |अनुवादक= |संग्रह= }} {{KKCat...' के साथ नया पृष्ठ बनाया)
यौवन छचल्किन्छ
मन मेरो सल्किन्छ
तिमीलाई बाहुपाश लिन
जीवन ससल्किन्छ
तिम्रो धारिलो मुस्कान
मुटुमा पहिरो जान्छ
थाहा छैन यो माया
कतिकति गहिरो जान्छ
आजको दिन त तिमीले
नाइ भन्नु हुँदैन
आजैको एक दिन हो
मन कहिल्यै रुँदैन
तिम्रो मेरो मिलन
क्षितिज-धर्ती झैँ नहोस्
आज साथमा बसौँ
पृथ्वी घुम्न रुकोस्
आकाशको सब लाली
आज तिम्रो अधरमा बस्यो
लाली लठ्ठ लोलियो
ओठले जादु गर्यो
म स्वप्न छरिबसेँ
तिमी आई सजाइदेऊ
आज म तिमीलाई हेर्छु
तिमी अलिक लजाइदेउ
