विवाह पूर्व बेटी का वर विचार / पँवारी

चौका बठी बारी दुल्हिन ओ
बाबुल से अरज करे।
अच्छा घर दे जो बाबुल जी
चान्दी-सोन्ना हम पहिन्हे।।


बाबुल-

बेटी लिल्लोड़ी घोड़ी पलानी
सोन्ना-चाँदी हमऽ लेनऽ चल्या
बाटऽ मऽ मिल गया साहिबन रे
साजन तुम कहाँ रे चल्या।

बाबुल-

हम घरऽ कन्या कुँआरी
हम सोन्ना-चाँदी लेनऽ चल्या।


वर पक्ष के जवाब -

फिर जाओ साजन, फिर जाओ
सोन्ना-चाँदी हम लाहीं।
तुम हमखऽ सिरप बेटी देनू
हम तुम्ह खऽ सोन्ना-चाँदी दीहीं
फिर जाओ साजन, फिर जाओ
सोना चाँदी हमऽ दीहीं।