भारत की संस्कृति के लिए... भाषा की उन्नति के लिए... साहित्य के प्रसार के लिए
शिव जी हीरो बनोॅ हो-13 / अच्युतानन्द चौधरी 'लाल'
Kavita Kosh से
Rahul Shivay (चर्चा | योगदान) द्वारा परिवर्तित 21:51, 1 अप्रैल 2018 का अवतरण ('{{KKGlobal}} {{KKRachna |रचनाकार=अच्युतानन्द चौधरी 'लाल' |अनुवादक= |...' के साथ नया पृष्ठ बनाया)
लोक गीत
राग काफी-दादरा
पुरुषोॅ से ओढ़ी गुलाबी चदरिया
अइलै सिनुरिया बिहान रे बिहान रे
पनिया भरैलॅ अइलै गामोॅ के गोरिया
चढ़ती जवानी के शान रे शान रे
माथां मटुकिया जी हाथोॅ में डोरिया
धानी चुनरिया सबुज रंग चोलिया
सच लच लचकै छै पतरी कमरिया
नैना के मार छै बान रे बान रे
धरती में लोटै छै लामी लामी केसिया
नाजुक कलैया में हरी हरी चुरिया
सोलह बरस के जी बारी रे उमिरिया
रुपोॅ के बड्डी गुमान रे गुमान रे
चढ़ती जुआनी के जुलमी उमिरिया
तनियोटा हमरोॅ नै मानै छै बतिया
मचलै छै सब कॅ लगावै छै छतिया
दिल छै बड़ा बेइमान बेइमान रे
