भारत की संस्कृति के लिए... भाषा की उन्नति के लिए... साहित्य के प्रसार के लिए

सन्ध्या / भवानी भिक्षु

Kavita Kosh से
यहाँ जाएँ: भ्रमण, खोज

                       ए पान्थ ! पथ अम तिम्रो कति पर ?
                       आइरहेको यो दिवसान्त
                       मात्रै हेर्छौं तिमी हे श्रान्त !
डुल्दै आउँदछ अन्धकार तर तिम्रा पद छन् यस्ता सत्वर !
                       ए पान्थ ! पथ अझ तिम्रो कति पर?
                       सबै चराहरू उड्दै आए
                       च्याँ-च्याँ गरी बच्चा चिच्याए
यसलाई अलि, उसलाई पनि ख्वाए, मूक नीड भए मुखरित पलभर !
                       ए पान्थ ! पथ अझ तिम्रो कत्ति पर?
                       तिमीले किरणलाई हेरेनौ
                       तिमीले धमिलो साँझ बुझेनौ ?
चम्की, खेली हाँसी जगमा, लुक्न गई छायाको पछि तर !
                       ए पान्थ ! पथ अझ तिम्रो कात पर ?
                       बस्ने तिम्रो वास कता हो
                       औ सुख को अधिवास कता हो?
जगमै तिम्रो माया-ममता, अथवा कतै क्षितिजभन्दा पर?
                       ए पान्थ ! पथ अझ तिम्रो कति पर?

..................................................
शारदा, ६।१०,माघ १९९७