भारत की संस्कृति के लिए... भाषा की उन्नति के लिए... साहित्य के प्रसार के लिए

सब कहलको हे / रामकृष्ण

Kavita Kosh से
यहाँ जाएँ: भ्रमण, खोज

कुछ न कहके उ सब कहलको हे,
लोर में भींज सब सहलको हे॥
आँख तऽ, गोर मन के दरपन हौ,
साँस बन नेह के समरपन हौ।
तोर किरिआ लहस के सपना के,
सब दिरिस आस में सँवारलो हे॥
साँझ से भोर तक उदास निअन
अनमिझाएल एगो पिआस निअन
सोझ मन के इ बात हिरनी के
मेह के छाँह बन उतरलो हे॥
झाँझ-गोड़ाँव के दरद, हमरा
सब कहलको हे इ सरद हमरा।
गन्ह सन् पाँव पर कि पिपनी पर
अंगे-अँगे खिलखिला पसरलो हे॥
ई अँधरिया के पार जाएला
सात सुर फिन उतार लावेला
एगो असरे हमर सभे जिनगी
आप सूखे एने सरसलो हे॥