भारत की संस्कृति के लिए... भाषा की उन्नति के लिए... साहित्य के प्रसार के लिए

सावन के भरोसा / मनीष कुमार गुंज

Kavita Kosh से
Rahul Shivay (चर्चा | योगदान) द्वारा परिवर्तित 05:26, 18 सितम्बर 2017 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

आबो सावन झटकी के
बादल बरसो लटकी के

तबलै जेठ ते फाटै धरती
तीन कोस तक खेती परती
चापाकल कुइयां के पूछै
पोखर सुखलै सटकी के।

पानी लेली अधमरूओ छै
खीरा ककरी सब करूओ छै
चिड़ियाँ चुनमुन के साथें सब
बच्चा-रहलै रटकी के।

गरमी गुम्मस नींन उड़ाबै
मच्छड़ भन-भन खूब कुढाबै
मच्छड़दानी में घुंसी के
काटै हपकी हपकी के।

पड़लै झरिया भरलै खेत
नदी-नदी में खल-खल रेत
दौड़ी-दौड़ी खूब नहाबो
भरो खेंघारी मटकी के।