भारत की संस्कृति के लिए... भाषा की उन्नति के लिए... साहित्य के प्रसार के लिए
सीरत के बतिया / जयशंकर प्रसाद द्विवेदी
Kavita Kosh से
Sharda suman (चर्चा | योगदान) द्वारा परिवर्तित 11:10, 21 अप्रैल 2018 का अवतरण ('{{KKGlobal}} {{KKRachna |रचनाकार=जयशंकर प्रसाद द्विवेदी |अनुवादक=...' के साथ नया पृष्ठ बनाया)
सूरत ना हमरी निहारी ए राजा॥
सीरत के बतिया बिचारीं ए राजा॥
ढलती उमिरिया में चिचुकल चेहरवा
अचके भुलाइल गावल कहरवा
केतना ई देहिया निखारी ए राजा॥ सीरत के बतिया...
कसक न मनवा ठसक नाही चलिया
कनवाँ में करकत सरकेले बलिया
बीतल जवन मत उचारीं ए राजा॥ सीरत के बतिया...
गरदिश में नीकसल बाली उमिरिया
भइल मोहाल मोर तिरछी नजरिया
हियवा के टीस मत उभारीं ए राजा॥ सीरत के बतिया...
कहवाँ बचल अब पतरी कमरिया
घेरले जाता रोजे नवकी बीमरिया
पहिलकी पिरितिया सभारीं ए राजा॥ सीरत के बतिया...
