Last modified on 28 जून 2011, at 09:39

सुर ही के भार सूधे-सबद सु कीरन के / शृंगार-लतिका / द्विज

रूप घनाक्षरी
(वसंतकालसूचक वस्तुओं के हेतु तर्क करने का वर्णन)

सुर ही के भार सूधे-सबद सु कीरन के, मंदिरन त्यागि करैं अनत कहूँ न गौंन ।
’द्विजदेव’ त्यौं हीं मधु-भारन अपारन सौं, नैंकु झुकि-झूमि रहे मौंगरे-मरुअदौंन ॥
खोलि इन नैननि निहारौं-तौं-निहारौं कहा, सुखमा अभूत छाइ रही प्रति भौंन-भौंन ।
चाँदनी के भारन दिखात उनयौ सौ चंद, गंध ही के भारन बहत मंद-मंद पौंन ॥४॥