"सूरज साम्ही रैईजै / रचना शेखावत" के अवतरणों में अंतर

सूरज थूं साम्हीं रैईजै
भलांई डील पतो म्हारो
अंधारै री छींयां नीं चाईजै
भलांई बठै होवो कोई सपनलोक
सूरज साम्हीं रैईजै कै म्हनै
रात रा अंधारां सूं जूझतां नै
राह दिखावणी है
चीन्हींस’क जोत
सीतळ कर‘र
घरां ले ज्यावणीं है
जद म्हूं चकूंला एक-एक कळा सूं
थूं देईजै एक-एक किरण ओज री
म्हैं फेरूं उठूंला पूनम रो चांद बण
सूरज थूं म्हारै साम्हीं रैईजै।