भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

सूर्य / विमल कोइराला

Kavita Kosh से
Sirjanbindu (चर्चा | योगदान) द्वारा परिवर्तित 10:58, 8 मई 2017 का अवतरण ('{{KKGlobal}} {{KKRachna |रचनाकार=विमल कोइराला |अनुवादक= |संग्रह= }} {{...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

बिहानीपखको कलिलो सूर्य
मलाई औधी मन पर्छ,
 जेठ–असारमै पनि भतभती पोल्ने
ताता–उज्याला–राता एकसाथ थुप्रै सम्झना आउँछन्
सूर्यलाई देख्दा ।

कहालीलाग्दो लामो रातको
डरलाग्दो छटपटीलाई चिरेर
झ्यालबाट लुक्दै जब सूर्य पस्छ मेरो कोठामा
म रोमाञ्चित हुन्छु
मानौँ मलाई नाउँ थाहा नपाएको कुनै मित्रले
पछिल्तिरबाट आँखा छोपिरहेछ,
म सम्झेजति नाउँ भन्दै जान्छु र हाँसेको आवाज मात्र आउँछ
सूर्य पनि लुकामारी खेल्छ मेरा आँखासँग त्यसै गरी
निद्रामा हुन्छु र पटक–पटक आयो कि भन्दै
आँखा उघारी हेर्छु,
जब सूर्य देख्छु
मेरो अनुहार
प्रसव वेदनाबाट तत्काल मुक्त मेरी पत्नीले पहिले
मलाई देख्दा झैँ हुन्छ
हलुङ्गो, ज्यादै हलुङ्गो।