सोचियुमि थे तुंहिंजो नांउ लिखी थो ॾिसां किथे!
बेहद ॾुखियो आ, दिल ते लिखी थो सघां किथे!
मापे सघियुसि न सोच जी पीड़ा जा वहकरा,
ॼाणां थो एतिरो त मां पहुतुसि किथां किथे!
फहलाए पाण खे तो युगनि में छॾियो इएं,
हिकड़ी जा नंढिड़ी ॻाल्हि, सा तोखे चवां किथे!
तख़्लीक़ पंहिंजो पाण में रुतबो ऐं मर्तबो,
उन सां जुड़ियलु ही अहम, संभाले रखां किथे!
केॾो न शोर आहे, किथे हल्को मन कयां,
मूंखे ॿुधाड़ दोस्त, वञी मां रुआं किथे!
रिण-पट, लुकूं ऐं वारी वसे थी मिज़ाज में,
बादल बणां बि जे त गजां ऐं वसां किथे!
हासिद छा ज़ौंक़ शौक़ आ माण्हुनि जो, खैर थिए,
ॻोल्हिनि किथे था मूंखे ऐं मां थो हुजां किथे!