हम कां कै रये महल अटारी मिल जावै / महेश कटारे सुगम

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

महेश कटारे सुगम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हम कां कै रये महल अटारी मिल जावै
दोई टैम रोटी तिरकारी मिल जावै

हम कां चाहत भरै तिजोरी पइसन सें
काम चलावे तनक उधारी मिल जावै

फसल उनारी<ref>रबी की फ़सल</ref> सें पूरौ अब नईं पर रऔ
अच्छौ रैहै अगर सियारी <ref>खरीफ की फ़सल</ref> मिल जावै

मेंनत करकें ज्वानी में हो गए बूड़े
मौड़ा खों डूटी सरकारी मिल जावै

ऐसौ कऊँ हो जाये अगर तौ आय मजा
मोहरन सें इक भरी कनारी<ref>मिटटी का बर्तन</ref> मिल जावै

कैसे हौ नादान कभऊं ऐसौ भऔ है
बिना करें दौलत अबढारी<ref>अपने आप</ref> मिल जावै

शब्दार्थ

<references/>