हम कां कै रये महल अटारी मिल जावै
दोई टैम रोटी तिरकारी मिल जावै
हम कां चाहत भरै तिजोरी पइसन सें
काम चलावे तनक उधारी मिल जावै
फसल उनारी<ref>रबी की फ़सल</ref> सें पूरौ अब नईं पर रऔ
अच्छौ रैहै अगर सियारी <ref>खरीफ की फ़सल</ref> मिल जावै
मेंनत करकें ज्वानी में हो गए बूड़े
मौड़ा खों डूटी सरकारी मिल जावै
ऐसौ कऊँ हो जाये अगर तौ आय मजा
मोहरन सें इक भरी कनारी<ref>मिटटी का बर्तन</ref> मिल जावै
कैसे हौ नादान कभऊं ऐसौ भऔ है
बिना करें दौलत अबढारी<ref>अपने आप</ref> मिल जावै
शब्दार्थ
<references/>