घरे-घरे दौपदी, दुस्सासन घरे-घरे ।
हरे राम हरे राम, राम-राम हरे-हरे ।।
गली-गली कुरुक्षेत्र, मरघट दरे-दरे ।
हरे राम हरे राम, राम-राम हरे-हरे ।।
देस भा अंधेर नगर, राजा चौपट का करे ।
हरे राम हरे राम, राम-राम हरे-हरे ।।
सीता भई लंकेस्वरी, राम रोवें अरे-अरे ।
हरे राम हरे राम, राम-राम हरे-हरे ।।
राजा दसरथ भुईं लोटैं, राज करे मंथरे ।
हरे राम हरे राम, राम-राम हरे-हरे ।।
आम गा महुवा गा, अब त बस बैर फरे ।
हरे राम हरे राम, राम-राम हरे-हरे ।।
कोयल मोर मूक भए, दादुर टर-टर टरे ।
हरे राम हरे राम, राम-राम हरे-हरे ।।
ऊपर से कुछ बात, और कुछ बा तरे-तरे ।
हरे राम हरे राम, राम-राम हरे-हरे ।।