हली आउ झूलण अची थीउ सहाइ
साईं देर न लाइ, मूंखे न भुलाइ झूलण,
तो खां सिवाइ ॿियो को न आहे।
1.
वरितमि हिक ओट तुंहिंजी, तो लाइ आहियां बेगानी
माण्हू महिणा ॾियनि था, आहियां तो लइ मस्तानी
मां तुंहिंजे शरण आहियां, दिल खे ॾे तूं दिलजाइ
साईं देर न लाइ...।
2.
रखियमि प्रीति तो सां लालण, दुनिया जी प्रीति कूड़ी
छॾे दुनिया जा नाता, मूं तो सां जिंदु जोड़ी
मुंहंड़ो न मटाइ, मूं खे पंहिंजो बणाइ।
साईं देर न लाइ...।
3.
मूं निमाणीअ खे कीन छॾीन्दें,
दर्शन पंहिंजो जल्दी ॾीन्दें
मुंहिंजो सॾिड़ो ओनाइ, हथु महिर जो घुमाइ।
साईं देर न लाइ...।