हाँसेको साहित्य सागर / लेखनाथ पौड्याल

                    १
कोही वायुकुमार तुल्य बलिया गर्छन् ऊडी लङ्कन
कोही बन्धन हाल्दछन् नभसरी ढुङ्गा मुढा लीकन ।
कोही अङ्गद नील झैं घुमी घुमी आलोचना गर्दछन्
सीता निश्चय भेट्दछौं भनि कुनै आनन्दमा पर्दछन् ।।

                    २
कोही खूब घुमाइ भित्र उसमा उत्साहको मन्दर
गर्छन मन्थन देवदानव सरी पीयूषको खातिर ।
देखी त्यो कविवर्गको हरघडी चान्चल्य वा जाँगर
हाँसी नित्य छचल्किंदोछ धमिलो साहित्यको सागर ।।

( साहित्य स्रोत २००४ आश्विन )

('पद्य-संग्रह' बाट)