Last modified on 27 मई 2017, at 15:57

हाहाकार / नवीन ठाकुर 'संधि'

सांझै रोॅ छै है गति,
बिहानेॅ की होतै छति?
है ते,ॅ समय बतैतों।

मरी गेलै मकई-मडुआ
परै नै छै पानी परूआ
भूखें तड़पै छै बूढ़ोॅ बुतरूवा,
जालेॅ-मालेॅ खोजै छै लरूवा।
भोगलेॅ छै पुरखा पति,
है तेॅ बूढ़े-पुराने बतैतों।
सांझै रोॅ छै है गति।

आभरको मारा पौर बुझैतौं,
छन-छन के भूखें पेट जलैतौं।
भूखें जैतेॅ सब्भें दिल्ली बंगाल,
अन्नोॅ बिना सब्भेॅ कंगाल।
कहै छै ‘‘संधि’’ जमीनों में खटोॅ
कि बिगड़लौं मति।