हिक चोट खां बीअ चोट ॾे सुरन्दो ई रहियुसि मां।
हर लहजे़ में हर पासे खां झुरन्दो ई रहियुसि मां॥
ख़ुद पाण सॾे सिक सां पियारियुइ थे ॿियनि खे।
मूं ॾे तो निहारियो भी न, घुरन्दो ई रहियुसि मां॥
मोहन जे दड़े जी न लधी सार कॾहिं कंहिं।
हर मींहँ ऐं वाचूडे में भुरन्दो ई रहियुसि मां॥
मूं ज़खम खे वेदनि ऐं जराहनि मां सरियो छा?
हर नुस्खे़ ऐं मरहम सां त कुरन्दो ई रहियुसि मां॥
हर ग़म जी ज़बाँ ते हो संदमि नाउं सदाईं।
राहत जी मगर जीअ में, हुरन्दो ई रहियुसि मां॥