भारत की संस्कृति के लिए... भाषा की उन्नति के लिए... साहित्य के प्रसार के लिए
हिन्दुस्तान की हालत देख कै मेरा कालजा धड़कै रै / रणवीर सिंह दहिया
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:56, 26 मार्च 2021 का अवतरण ('{{KKGlobal}} {{KKRachna |रचनाकार=रणवीर सिंह दहिया |अनुवादक= |संग्र...' के साथ नया पृष्ठ बनाया)
हिन्दुस्तान की हालत देख कै मेरा कालजा धड़कै रै॥
दमनकारी राज आँख मैं आज कुनक की ढालां रड़कै रै॥
म्हारे देश का किसान दुखी आज की सरकार करकै रै
लोग लुगाई हर इंसान दुखी आज की सरकार करकै रै
जुमल्याँ तैं यो जवान दुखी आज की सरकार करकै रै
किसा बख्त यो बेईमान सुखी आज की सरकार करकै रै
काले कानून बना कै नै लूटैंगे किसान के खेत मैं बड़कै रे॥
दमनकारी राज आँख मैं आज कुनक की ढालां रड़कै रै॥
म्हारे देश की धरती ऊपर हमनै नाज़ उगाया देखो
किसानों नै हाँगा लाकै देश आत्मनिर्भर बनाया देखो
किसानी पै घणे टैक्स लगाये यो किसान
सताया देखो
हक मांगण पै चली गोली जेल का राह दिखाया देखो
काले कानून वापिस करावां एके की राही पकड़ कै रै॥
दमनकारी राज आँख मैं आज कुनक की ढालां रड़कै रै॥
