भारत की संस्कृति के लिए... भाषा की उन्नति के लिए... साहित्य के प्रसार के लिए
हूणियै रा होरठा (6) / हरीश भादानी
Kavita Kosh से
पीता गिटतौई रयौ
खाया घणा धमीड़
कीं तौ सांस उपाड़
रोळा करलै हूणिया
कवळा कवळा तोड़िया
ठरिया लिया मठार
लगा आंगळाी देख
खण खण उकळया हूणिया
आंता बळती आग नै
लीवी हाथां थाम
फिर-फिर चारूंमेर
लाय लगासी हूणिया
लीलां मंडसी काळजै
खुभसी बूंठा बैण
राख्यां एक उडोक
जींतौ जाजै हूणिया
म्हारी आंख्या सूं उडीक
थारा हुनरी हाथ
सांसां लियै परोट
बजै हरावळ हूणिया
तन थाकै बेगो घणौ
तन रा ओछा लाभ
चालै मन री चाल
अण थकियां ही हूणिया
आभौ बांध अंगोछियै
नदियां आडी पाळ
मांडै घर परवार
सिरजणहारा हूणिया
आंध्या उमट उजाड़ दै
गिटै ताड़का बाढ
फिर-फिर निवजै जूण
सिरजण्हारा हूणिया
