भारत की संस्कृति के लिए... भाषा की उन्नति के लिए... साहित्य के प्रसार के लिए
होळै-सी’क झरग्यो पत्तो एक / सांवर दइया
Kavita Kosh से
स्व. हेमाराम शर्मा नै याद करतां
होळै-सी’क झरग्यो पत्तो एक
पेड़ सूनो करग्यो पत्तो एक
पीळो पड़्या बिना ई खिरग्यो
जुलम जबरो करग्यो पत्तो एक
हेलो करता रैया- तूं मत जा
पण अणसुणी करग्यो पत्तो एक
मन री बातां स्सै मन में रै’गी
म्हांनै एकलो करग्यो पत्तो एक
सगळी ओप उतरगी बसंत री
जग अडोळो करग्यो पत्तो एक
