Last modified on 12 अक्टूबर 2011, at 03:59

कदैई पाणी में गळां भायला / सांवर दइया

Neeraj Daiya (चर्चा | योगदान) द्वारा परिवर्तित 03:59, 12 अक्टूबर 2011 का अवतरण ('{{KKGlobal}} {{KKRachna |रचनाकार=सांवर दइया |संग्रह=आ सदी मिजळी मरै /...' के साथ नया पन्ना बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

कदैई पाणी में गळां भायला
कदैई तावडै में बळां भायला

देख तूं बगत आयो इण हद भूंडो
खुद रै सामेळै सूं टळां भायला

है हेताळू पण स्सै छिपला खावै
खुद रो जी तीसूं दिन तळां भायला

धूवों तो हुवणो ई है चौफेर
छाणै दांई धुख धुख बळां भायला

म्हांरी सांस हुई म्हांनै ई भारी
जग सागै खुद नै खुद खळां भायला