भारत की संस्कृति के लिए... भाषा की उन्नति के लिए... साहित्य के प्रसार के लिए

अन्तिम आकाश. / सविता गौतम दाहाल

Kavita Kosh से
Sirjanbindu (चर्चा | योगदान) द्वारा परिवर्तित 15:53, 16 जुलाई 2017 का अवतरण ('{{KKGlobal}} {{KKRachna |रचनाकार=सविता गौतम दाहाल |अनुवादक= |संग्र...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज


कहिल्यै ख्याल राखेनौ
कुनै चौतारी पर्खिएनौं
कुनै देउराली संझनाको वादल बनि वहेनौं
केहि क्षण साथको आग्रह
दिएर कारणको सुन्दर फूल
सधैं सधैं अगि वढयौ ।

एउटै गन्तव्य
तय गर्नु पर्ने आयतन उही
रुखहरु, नदीहरु, पहाडहरु, वाटाहरु उत्तिनै
कहिले दाया किनारामा
कहिले वायां
संगै भएर, भएनौं साथसाथ ।

एक्लै बस्दा आएर बसेनौ मेरो छेऊ
तिम्रो छेउछाउ कहिल्यै खाली देखिन् ।

त्यो थिएन ईष्याको पूmल
लागेन संभावनाको कोपिला
ऑशु , आशा र सपनाको त्रिवेणी पुगिने
खोला सम्म भेटिन् ।

एउटै दुरी
तय गर्नुपर्ने आकाश उत्तिनै
केहि अघि, केहि पछि
एक्ला एक्लै
गरेनौँ कुनै सल्लाह ।
 
पोल्ने आगो ठानेऊ
या मारिने वीष वुझेऊ
या जमाउने हिऊँको ढिक्का ।

मुटु आफै छेडियो
विस्तारै कोषिकाहरु जन्मीए
र आफै पुरियो ।

उस्तै छ मेरो मुटु आजपनि
कुनै फूर्सदमा ख्याल गरेर हेर्नु
कुनै चौतारी पर्खिएर वस्नु ।

संगै हिडौंला, बांकी बाटो
संगै उडौंला, अन्तिम आकाश ।