अब आराम करे दऽ / प्रभुनाथ सिंह

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

प्रभुनाथ सिंह »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बहुत भइल काम
अब आराम करे दऽ।
बहुत भइल नाम
अब गुमनाम रहे दऽ।
रहल ना रिस्ता,
काम का नाम से।
हो रहल बा नाम,
सगरे बदनाम के।
उसकावऽ मत
अतीत के दिया में,
जरत इयाद के बाती
जइसे जरताऽ जरे दऽ।
जब तक बरऽता, बरे दऽ।
अब आराम करे दऽ।
भलाई करके,
कवन पइबऽ सम्मान ?
अब युगल रहल ना,
जे मानी केहू एहसान ;
सब कुछ बन गइल व्यवसाय,
बिक रहल बा इन्सान,
सेवा, धरम, ईमान,
पद, पदारथ आ इनाम ;
हम हताश नइखीं,
बस, हिम्मत नइखे।
बुद्धिजीवी के जीव,
यदि कुछ कहे के चाहत बा,
त कहे दऽ।
सिआही छिरिक के,
यदि मरे के चाहत बा,
त मरे दऽ।
अब आराम करे दऽ।।