अहे मोरा पिछुअड़ा लवँगिया के गछिया / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

अहे मोरा पिछुअड़ा<ref>पीछे, पिछवाड़े, मकान के पिछले भाग में</ref> लवँगिया के गछिया<ref>गाछ, पेड़</ref>।
लवँग चुअले<ref>चूता है</ref> सारी रात हे।
अहे लवँग चुनि चुनि सेजिया डँसवलों।
बीचे बीचे रेसम के डोरा हे॥1॥
अहे ताहि पइसि<ref>प्रवेश करके</ref> सुतले, दुलहा कवन दुलहा।
जउरे सजनवा केरा धिया हे।
अहे ओते ओते<ref>अलग हटकर, उधर</ref> सुतहु कवन सुगइ।
तोरा गरमी मोरा ना सोहाय हे॥2॥
अहे अतिना<ref>इतना</ref> बचनियाँ जब सुनत कवन सुगइ।
रोअत नइहरवा चलि जाय हे।
अहे मोरा पिछुअड़वा मलहवा रे भइया।
मोहि के<ref>मुझे</ref> पार उतारऽ हे॥3॥
अहे राति अमल<ref>समय</ref> बहिनी अतही<ref>यहीं</ref> गँवावऽ<ref>बिताओ, व्यतीत करो</ref>।
भोरे<ref>सवेरे</ref> उतारब पार हे॥4॥
अहे भला जनि बोलइ भइया, मलहवा भइया।
तोरो बोली मोहिं न सोहाय हे।
अहे चान<ref>चंद्रमा</ref> सुरुज अइसन अपन परभु तेजलों<ref>त्याग दिया</ref>।
तोहरो के सँग नहीं जायब हे॥5॥
अहे एके नइया आवले लवँग इलाइची।
दोसरे नइया आवे पाकल पान हे।
अहे तीसरे नइया आवलें ओहे पनखउका<ref>पान खाने वाला, यहाँ उसके पति से तात्पर्य है</ref>।
उनके साथ उतरव पार हे॥6॥

शब्दार्थ

<references/>