भारत की संस्कृति के लिए... भाषा की उन्नति के लिए... साहित्य के प्रसार के लिए
आ कुदरत मा ईं रो हेत देख तूं / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 09:33, 10 अप्रैल 2011 का अवतरण (नया पृष्ठ: {{KKGlobal}} {{KKRachna |रचनाकार=सांवर दइया |संग्रह=आ सदी मिजळी मरै / सांवर दइया }} […)
आ कुदरत मा ईं रो हेत देख तूं
माथै सूरज हेठै रेत देख तूं
आगै ऊभां री बात छोड़ दै अब
लारै कुण थारै समेत देख तूं
ईद खातर पाळ करै लाड सवाया
ऐ म्हांरा है आं रो हेत देख तूं
रूपाळा दीसै पण कीं नीं निपजै
बांझडी लुगाई-सा खेत देख तूं
अब कोई नीं चींथ सकै पगां तळै
राती चोळ हुई आ रेत देख तूं