भारत की संस्कृति के लिए... भाषा की उन्नति के लिए... साहित्य के प्रसार के लिए
आफैसँग हारेको क्षण / प्रमोद स्नेही
Kavita Kosh से
Sirjanbindu (चर्चा | योगदान) द्वारा परिवर्तित 14:53, 31 मई 2017 का अवतरण ('{{KKGlobal}} {{KKRachna |रचनाकार=प्रमोद स्नेही |अनुवादक= |संग्रह= }}...' के साथ नया पृष्ठ बनाया)
पहाडै पहाडले घेरिएको
राजधानी जस्तै
अभावै अभावको
लक्ष्मणरेखा भित्र कैद छु
बाँसुरी जस्तै कहिले
म झुठो बोल्दिन
र त हरेक जंघारमा
लड्छु
सारङ्गी जस्तै रेटिनु पर्छ
सधैँ मैले
आफ्नै सपनाहरुमा
आफ्नै खुशीहरुमा
किन यसरी आफ्नै
छायाहरुसँग पनि
लुकेर भाग्दै हिड्नु
पर्ने मैले ?
सँधै असहज र अध्यारो
मात्रै पोखिन्छ
मैले हिड्ने बाटोहरुमा
म आफैँसँग सोधिरहेछु
किन विना कसुर पनि
सजाएको स्वीकोरोक्तिमा मैले
सही छाप गर्दै
सधैँ सधैँ हार्नुपर्छ आफैसँग
