भारत की संस्कृति के लिए... भाषा की उन्नति के लिए... साहित्य के प्रसार के लिए

आसिन के पहिल भोर / रूपम झा

Kavita Kosh से
Rahul Shivay (चर्चा | योगदान) द्वारा परिवर्तित 21:19, 9 मार्च 2018 का अवतरण ('{{KKGlobal}} {{KKRachna |रचनाकार=रूपम झा |अनुवादक= |संग्रह= }} {{KKCatMaithiliRach...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

आयल आसिन के पहिल भोर
स्वगत मे खग सभ करय शोर

चारू दिश शीतल मंद पवन
फूजल रविक राजीव नयन
धरतीक पुष्पित आँचर पर
सरिता लै अछि चंचल हिलोर
आयल आसिन के पहिल भोर

झरि गेल धरा पर हरसिंगार
अनुपम अछि ई फूलक पथार
शीतक मोती छिरियायल अछि
नेना सन नभ के लाल ठोर
आयल आसिन के पहिल भोर

खग कलरब सँ अछि तृप्त कान
आयल कण-कण मे नवल प्राण
सुगबुगा रहल अछि नव किसलय
अछि सजल धराक पोर-पोर
आयल आसिन के पहिल भोर