भारत की संस्कृति के लिए... भाषा की उन्नति के लिए... साहित्य के प्रसार के लिए
ई बगिया के सम्हारे में / सिलसिला / रणजीत दुधु
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 22:48, 30 जून 2019 का अवतरण ('{{KKGlobal}} {{KKRachna |रचनाकार=रणजीत दुधु |अनुवादक= |संग्रह=सिलस...' के साथ नया पृष्ठ बनाया)
कतना माली मर मिटलइ ई बगिया अपन सम्हारे में
काहे आँख गड़इले हा तों एकरा रोज उजाड़े में।
गेंदा जूही चम्पा बेली
उड़हुल के संग फूल चमेली
तरह-तरह के फूल खिलल हे
आपस में मिल झूम रहल हे
फुदक-फुदक के कोय गावे हरियाली के आरे में
कतना माली मर मिटलइ ई बगिया अपन सम्हारे में।
देख गुलाब के टुह टुह लाली
छा जा हे मन में खुशियाली
भौंरा जब तान सुनावे हे
ऊ मनके मइले मेटावे हे
धरती के न´ जोग के रखवाऽ, रह जइबा अंधियारे में
कतना माली मर मिटलइ ई बगिया अपन सम्हारे में।
जइसे पंक्षी गाछ बसेरा
बइसी तहूँ डालऽ अब डेरा
पंछी मिलजुल रह के देखावे
प्रेम संदेश दुनिया के सिखावे
चेतऽ सब मिल के अब सोंचऽ परकिरती के बारे में
कतना माली मर मिटलइ ई बगिया अपन सम्हारे में।
