भारत की संस्कृति के लिए... भाषा की उन्नति के लिए... साहित्य के प्रसार के लिए
उदंकार / बलबीर राणा 'अडिग'
Kavita Kosh से
Abhishek Amber (चर्चा | योगदान) द्वारा परिवर्तित 11:58, 7 अप्रैल 2018 का अवतरण ('{{KKGlobal}} {{KKRachna |रचनाकार=बलबीर राणा 'अडिग' }} {{KKCatGadhwaliRachna}} <poem> कत्...' के साथ नया पृष्ठ बनाया)
कत्गा कयांरू कत्गा रैबार
बाटा मां किले बिरहक पराग
पराणी गाणी कंठ भोरी भोरी
कभी त् दिखलू मायाक चिराग
आँशुक तबराट् कबैर तलक रैलू
बोऽडी ऐ जावा एक बार
हैंसी जाली यु भिजिं आँखी
होंठऽक नि रैंलू अब ककडा्ट
ऐ जालू म्यारा भी जीवन मा बसंत
ज्वानीक दिन छन द्वि चार
बोऽडी ऐ जावा एक बार
बांजा पुंगडी् बीज जमला
रुखडा् धारुं मां पाणिक छपळाट
इकुलांस डंड्याळी रोणक राली
मेरा ज्यू मां उदंकार
बोऽडी ऐ जावा एक बार।
