भारत की संस्कृति के लिए... भाषा की उन्नति के लिए... साहित्य के प्रसार के लिए

एक दिया / मुकुंद कौशल

Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:57, 17 अगस्त 2019 का अवतरण ('{{KKGlobal}} {{KKRachna |रचनाकार=मुकुंद कौशल |अनुवादक= |संग्रह= }} {{KKCat...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

आंसू झन टपकावे
सुरता के अंचरा मा
तुलसी के चौंरा मा
एक दिया घर देवे।

मोर लहूट आवट ले
सगुना संग गा लेवे
रहिबे झन लांघन तै
नून भात खा लेवे

बांधि बांधि रखिवे झन
आंखी के पूरा ला
आंसू के नंदिया मा
एक दिया धर देवे

गांव हंसए देख देख
अइसन तै रोवे मन
कुधरी के भांठा मा
आंसू ला बोबे झन

झन पोसे रहिबे तै
सपना के पीरा ला
निंदिया के डेहरी मा
एक दिया धर देवे।