भारत की संस्कृति के लिए... भाषा की उन्नति के लिए... साहित्य के प्रसार के लिए
ऐलै निंदिया रानी / अमरेन्द्र
Kavita Kosh से
Lalit Kumar (चर्चा | योगदान) द्वारा परिवर्तित 02:50, 13 मई 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह= }} {{KKCatAngi...' के साथ नया पृष्ठ बनाया)
उड़नखटोला पर बैठी केॅ
ऐलै निंदिया रानी दौड़लोॅ आवै नानी।
मीट्ठोॅ-मीट्ठो खाय केॅ माँगै
तित्तोॅ-तित्तोॅ छाँटी
नूनू-नानी मिली-जुली केॅ
खैतेॅ बाँटी-बाँटी
सुर-सुर-सुर-सुर दही सुरकतै
गस-गस खैतै खीर
भीमें रं मोटैतै नूनओ
कर्णे नाँखि वीर
उड़नखटोला पर नूनू तेॅ
चढ़िये जैतै फानी/आबै निंदिया रानी।
फुर-फुर उड़तै उड़नखटोला
फर-फर कुर्त्ता नूनू के
बैठली नानी कहै कहानी
निंदिया नूनू दूनू के
सुनी कहानी नूनू ऐलै
लेल्हैं उड़नखटोला केॅ
नुनुओ सुतलै, निंदियो सुतलै
छोड़ी डोली-डोला केॅ
टिपिर-टिपिर, टप-टप-टप बोलै
पत्ता परकोॅ पानी/आबै निंदिया रानी।
