भारत की संस्कृति के लिए... भाषा की उन्नति के लिए... साहित्य के प्रसार के लिए
कविता / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 04:21, 18 दिसम्बर 2010 का अवतरण (नया पृष्ठ: {{KKGlobal}} {{KKRachna |रचनाकार=सांवर दइया |संग्रह=आखर री आँख सूं / सांवर दइया }} [[Ca…)
मिनख रो अन्तस पिछाण
दरद, हरख अर हेत री रागळियां
उजागर करण रो बूतो हुवै
दिन रै उजास में
साहूकारां रो भेख धारियां पूजीजता
रात रै अंधारै में
मिनख रो खून चूसणियां रा
माळीपाना उतारण रो हिम्मत हुवै
अंधारै में गम्योड़ा
सुखां रा मारग सोध
जुगां तांई
मीलां सफीट देखण री
हूंस हुवै
तो लै
सावळ झाल आ कलम
संभाल ऐ पाना
भेळी कर मानखै री पीड़
अर लिख कविता !